Tadqiqotda amerikalik yozuvchilar T. Drayzer va J. Steynbekning “Rus kundaliklari”dagi muzey intererlari tasvirlari qiyosiy tahlil qilingan. Maqolada ikki tashrifning maqsad va shart-sharoitlaridagi oʻxshashliklar aniqlanadi, tavsiflarning uslubiy xususiyatlari tavsiflanadi, tahlil qilinayotgan tavsiflarda modellashtirilgan makonlarning individual xususiyatlari yoritiladi. Har ikkala asarda ham mualliflar mutlaq hokimiyat gʻoyasiga nisbatan oʻzlarining salbiy munosabatlarini ham oshkora, ham ramziy tagmaʼno orqali namoyon qilganliklari aniqlandi. Sarskoye selo va Kreml muzey ekspozitsiyalarida saqlanayotgan tarixiy makon, uning subyektiv bahosi mualliflarga tarixiy voqealarning sabablarini va tarixan shakllangan davlat boshqaruvi tizimining mohiyatini aniqlashga yordam beradi. Shu bilan birga, Drayzer muzey ekspozitsiyasini faqat oʻtmishning dalili sifatida baholaydi, Steynbek esa tavsifni psixologik xarakterdagi izohlar bilan toʻldirib, oʻz kuzatuvlarini hozirgi kunga yoʻnaltiradi, podshoh va imperator hokimiyati va urushdan keyingi Rossiyada bir qoʻl ostidada toʻplangan hokimiyat oʻrtasidagi oʻxshashliklar boʻlishi mumkinligiga ishora qiladi.